La xestión cultural ye la xestión de lo opinable. Dende esta perspectiva d’entender la cultura como puntu de confrontación de les obres ellaboraes del pensamientu, la Casa de Cultura “Teodoro Cuesta” de Mieres intenta contribuir directamente na producción de valores, idees, signos culturales y obres nueves.

Heredera d’una llarga tradición local d’asociacionismu sociocultural que concibió la cultura como participación y expresión de los individuos de los grupos, la Casa de Cultura “Teodoro Cuesta” ye güei un espaciu abiertu onde confluyen tradición y vanguardia, un llugar dinámicu que relaciona ente ellos ámbitos d’actuación y sectores d’actividá.

L’añu 2013 cúmplense los primeros 25 años (inauguración de la Casa de Cultura “Teodoro Cuesta” el 31 de mayu de 1988) de venir exerciendo dientro del ámbitu d’ella de catalizador d’actividaes y proyectos, apostando decididamente poles nueves iniciatives nel dominiu de les artes plástiques, les artes escéniques, les artes gráfiques y la música, asina como pola valoración y estudiu d’aquellas que, específicamente, toquen los aspectos propios de les artes tradicionales.

En xunto, un trabayu y esfuerzu diariu y manteníu nel que los resultaos conformen los valores d’identidá y d’imaxen positiva del conceyu.


Datos de contacto

Calle Manuel Llaneza, 8. 33600 Mieres (Asturias)
cultura@ayto-mieres.es
985450666
Director. Ismael Mª González Arias
De 8 a 21 horas