Dientru del ciclu “Alcuentros con autores” a travies del Club de llectura n’asturianu del Atenéu de Turón va presentase’l llibru de rellatos “Nel ríu la Fame” de Pilar Arnaldo.
Pilar Arnaldo escueye pal so primer llibru contar un momentu estraordinariu qu’ocurre na vida de seis muyeres.
Seis campesines nun tiempu nel que les families probes nun yeren ames del so destín, de cuando les muyeres taben obligaes a la obidiencia y a la resisignación, Seis protagonistes que viven na redolada del ríu la Fame, el nome popular del ríu Xinestaza, que son a sobreponese a la calamidá pa enfrentar la vida con deterín y valentía y a les qu’esti llibru da voz.
Pilar Arnaldo (La Pontecastru, Tinéu, 1964). Llicenciada en Filoloxía Hispánica pola Universidá d’Uviéu. Foi profesora de Secundaria y Bachilleratu en Galicia, anguaño yelo nel Institutu de Tinéu. Bona conocedora de la lliteratura universal y de la lliteratura gallega y asturiana en particular preséntanos esti primer llibru de rellatos venceyáu al mundu rural del que ye gran defensora.
