Cargando Eventos

« Todos los Eventos

  • Este evento ha pasado.

Festavientu. Extensión FIASCO entama: Vis a vis “Carboneras”, con Aitana Castaño y Alfonso Zapico #Culturadendecasa

29/12/2020-20:00

Gratuito
FESTAVIENTU Literario Mieres 2020 Cartel Web

PORTADA CARBONERAS Castaño Y Zapico Festavientu Mieres


FESTAVIENTU Literario Mieres 2020 Cartel WebFESTAVIENTUMIERES
Lliteratura, poesía y cultura asturiana en directo dende
l’Auditoriu Teodoro Cuesta

 

Extensión FIASCO
Vis a vis y presentación del libro:

Carboneras
con Aitana Castaño y Alfonso Zapico

 

Martes, 29 d’avientu 20:00 h.
En directo desde el Auditorio Teodoro Cuesta
Retransmisión por el canal de Youtube del Ayuntamiento de Mieres

Entrada libre hasta completar aforo (limitado a 66 personas ante las restricciones establecidas para garantizar la seguridad sanitaria).


 

“Trabayaben nes tolves escoyendo’l meyor mineral y separtando restos de piedres y madera. Curiaben de les cases, de les families, de los neiños, de los mayores y bien de veces tamién curiábense ente elles. Tol polvu del carbón de les mines asturianes pasaba pelos sos polmones. Lluchaben escontra la silicosis, escontra l’escaecimientu, escontra una sociedá que les ignoraba y escontra elles mesmas y los sos destinos. Yeren les carboneres. 

Yeren les madres, güeles, tíes, hermanes, vecines, amantes y esposes de tolos neños de fumu que ñacieron, medraron y morrieron coles cuenques mineres metíes nel corazón.

Les carboneres son les heriedes d’una tradición minera que guarda pa elles un escondíu requexu del que poques veces se les saca pa recordar qu’existieron. Y les sos vides tan atacaes de llantos, d’amores y d’hestories. En Carboneras Aitana Castaño narra, nuna hestoria d’histories, la vida d’aquelles muyeres que lo dieron too pola vida y polos sos ideales”. 

 

L’espaciu nel que se llocaliza ye Montecorvo del Camín (un llugar ficticiu del universu qu’Alfonso Zapico dibuxó y creó pa contar la Revolución del 34 na so triloxía La Balada del Norte), en dalgún momentu de los años sesenta, cuando a toles batalles d’estes muyeres tamién había qu’amestar la d’una clase dirixente represora que nun duldó en facer de les comarques carboníferes ún de los sos llaboratorios de tortures. Elles, que trabayaben escoyendo’l meyor carbón, tamién tuvieron qu’elexir bien de vueltes ente la so dignidá y la fame. Non siempre ganaron.

 

AITANA CASTAÑOAitana Castaño, Llangréu, Asturies, 1980, ye llicenciada en Periodismu pola Universidad Complutense de Madrid. Fue redactora de La Nueva España y La Voz de Asturias y xefa editorial de La Cuenca del Nalón. Collaboró na redacción de A7, Asturias 24 y escribió pa diverses revistes y publicaciones sobre minería, les cuenques mineres, el movimientu obreru o el periodismu n’Asturies y Galicia. En 2018 publicó xunto al illustrador Alfonso Zapico Los niños de humo (Pez de Plata), una memoria sentimental sobre la minería asturiana. Como columnista collaboró nel blog satíricu Fundición Príncipe de Astucias y na revista de humor Gurb. La so trayectoria lliteraria inclúi diversos premios de narrativa breve, ente ellos el Concursu de Microrrelatos Mineros «Manuel Nevado Madrid», y participó n’antoloxíes como Filando Cuentos de Mujer. Anguañu coordina la sección de noticies de Radio Televisión del Principado de Asturias (RTPA) y sigue siendo una neña de fumu. 

 

AlfonsoZapicoAlfonso Zapico, Blimea, Asturies, 1981, ye illustrador, hestorietista y autor de cómic. Trabaya en proyectos educativos del Principáu d’Asturies y realiza illustraciones, diseños y animaciones pa campañas de publicidá, editoriales ya instituciones. Ye illustrador de prensa en diversos diarios y revistes lliteraries nacionales (La Nueva España, La Cuenca del Nalón, Librújula, El País) ya internacionales (Magazine XXI, L`Internazionale). Como autor de cómic tradúxose al inglés, francés, alemán, italianu, polacu o griegu. Estrenóse con La guerra del Profesor Bertenev en 2006 pal mercáu francobelga y el so primer trabayu editáu n’España fue Café Budapest (2008). Dede entós publicó, ente otres obres, Dublineses (2011), La Ruta Joyce (2011), El otro mar (2013), Cuadernos d`Ítaca (2013), los tres primeros tomos de La Balada del Norte (2015, 2017, 2019) o Los puentes de Moscú. En 2018 publicó xunto a la periodista Aitana Castaño Los niños de humo (Pez de Plata), una memoria sentimental sobre la minería asturiana. Los sos llibros distinguiéronse con diversos galardones, ente ellos el Premio Nacional de Cómic en 2012. Anguañu vive na localidá francesa d’Angoulême y sigue siendo un neño de fumu.

Banner Fiasco Negritudes Web Mieres

L’Área de Cultura del Conceyu de Mieres llanza pa esti mes d’avientu FESTAVIENTU. Lliteratura, poesía y cultura asturiana en direutu dende l’Auditoriu Teodoro Cuesta, el contrapuntu lliterariu al apocayá anunciáu FESTAVIENTU musical.

El programa ta cuayáu d’actividaes empobinaes a tou tipu de gustos y públicos, atopándonos cuentacuentos, didáutiques presentaciones de llibros que ponen de relieve’l perimportante papel de muyeres como Xosefa de Xovellanos na lliteratura asturiana, obres sobro la diversidá sexual y proyectos que nel so conxuntu reivindiquen la calidá y les posibilidaes d’Asturies como motor cultural.

Amuesa d’ello van ser cites como la II GRAN POEMADA ASTURIANA, con una selección interxeneracional de delles de les voces más representatives de la comunidá asturiana o la presentación mundial de “Carboneres”, la última publicación d’Aitana Castaño y Alfonso Zapico.

Toles actividaes van celebrase en direutu dende l’Auditoriu Teodoro Cuesta y van ser retresmitíos per Youtube.

 


Logo Culturamieres Online WebLos eventos se difundirán gratuitamente desde esta misma página y en nuestras redes sociales, quedando a disposición del público en todo momento en el canal de Youtubehttps://www.youtube.com/channel/UCX4Cd96pcs_Xx8MakowGI7Q

 

Culturamieres: – Facebook: https://www.facebook.com/culturamieres/ – Instagram: https://twitter.com/mierescultura – Twitter: https://twitter.com/mierescultura
Ayuntamiento de Mieres: – Youtube: https://www.youtube.com/channel/UCX4Cd96pcs_Xx8MakowGI7Q– Facebook: https://www.facebook.com/ayuntamientodemieres/
Red de Bibliotecas de Mieres: – Facebook: https://www.facebook.com/reddebibliotecas.mieres/
Atenéu de Turón: – Facebook: https://www.facebook.com/Atenéu-de-Turón – Instagram: https://www.instagram.com/ateneudeturon/

 


 

Detalles

Fecha:
29/12/2020
Hora:
20:00
Precio:
Gratuito
Categorías del Evento:
, ,
Etiquetas del Evento:
,

Local

Casa de Cultura Teodoro Cuesta
Calle Manuel Llaneza, 8
Mieres, Asturias 33600 España
Teléfono:
985 450 666