Cargando Eventos

« Todos los Eventos

  • Este evento ha pasado.

I Xornaes de la Memoria Hestórica “Desenterrando la Hestoria. Memoria, represión y llucha n’Asturies del Sieglu XX”

10 abril-11:00

Cartel Desenterrando La Hestoria

Cartel Desenterrando La HestoriaI XORNAES DE LA MEMORIA HESTÓRICA

DESENTERRANDO LA HESTORIA
MEMORIA, REPRESIÓN Y LLUCHA N’ASTURIES DEL SIEGLU XX

 

SÁBADU 10 D’ABRIL

11.00-12.00 Heri Gutiérrez: “Los procesos de creación de Posmemoria por el trauma derivado de la represión franquista contra las mujeres del Valle del Nalón (1937-1958)”

12.00-13.00 Eduardo Abad: “Violencia, terror y represión n’Asturies en transición”

16.00-17.00 Fe Santoveña:“Exaltación y olvido. Una mirada a la muerte desde la Antropololgía Social y Cultural”.

17.00-18.00 Pablo Casanueva: “De la memoria familiar a la memoria colectiva. El cine como ferramienta”.

18.00-19.00 Luis Felipe Capellín: La guerrilla antifranquista n’Asturies.

 

Auditoriu Teodoro Cuesta
Acuta sitiu mandando un corréu a reflexuablaneru@gmail.com o un whatsapp a 684039896.
l’aforu ye llimitáu pola situación sanitaria y les midíes de seguridá.


La Llei de Memoria Histórica (Llei 52/2007) establez nes sos primeres llinies que los poderes políticos tienen que desendolcar “polítiques públiques dirixíes al conocimientu de la nuesa historia y al fomentu de la memoria democrática” (Llei 52/2007).

Pero la realidá ye bien distinta. Vivimos nuna sociedá que sigue devaluando la importancia que tien la recuperación de la memoria histórica; que nun reparó’l dañu y les violaciones de los DDHH qu’ocasionó la dictadura franquista; y qu’escaeció un paisaxe semáu de miles de foses comunes sobre les que caleyamos y facemos vida.

Xustamente, foi la vida lo que s’arrebató inxustamente a milenta homes y muyeres y, en resultes d’ello, a les sos families represaliaes que foron condergaes a una esistencia dominada pol silenciu y la medrana.

Dende Reflexu y Les Ablanes creyemos qu’esti pasáu traumáticu tien que ser visibilizáu pa poder xenerar una fuerte conciencia social al rodiu de lo que significó la represión franquista y, asina, reconocer les sos buelgues nesti presente construyíu sobre les ruines de la memoria.

Esti ye’l sentíu d’estes xornaes: falar y aldericar sobre la violencia política vivida n’Asturies dende la Revolución d’Ochobre del 34, pasando pela Guerra Civil, hasta’l final de la Dictadura; entender el papel quexuega la memoria histórica na configuración de les sociedaes democrátiques; visibilizar aquellos seutores sociales más silenciaos y escaecíos tanto histórica como social ya institucionalmente; decatase de que’l franquismu nun finó cola muerte del dictador, sinón que quedó arraigonáu nes instituciones y caltrizó na conciencia social, dando pasu a una amnesia coleutiva con consecuencies que, entá, siguen presentes anguaño.

Detalles

Fecha:
10 abril
Hora:
11:00
Categorías del Evento:
,

Local

Casa de Cultura Teodoro Cuesta
Calle Manuel Llaneza, 8
Mieres, Asturias 33600 España
+ Google Map
Teléfono:
985 450 666