TOPONIMIA
Toponimia menor delles parroquies del Conceyu de Mieres
L’Academia de la Llingua Asturiana vien ufiertando la colección “Toponimia” onde s’arrecueyen los nomes de llugar asturianos según la tradición oral, con una curtia descripción de caún d’ellos, gracies a les informaciones de los bonos falantes y conocedores de la xeografía.
Suelen recoyese nel ámbitu parroquial o supraparroquial de cada conceyu. Pal casu del Conceyu de Mieres, publicárense hasta la fecha seis cartafueyos correspondientes al Valle de Turón (nº 24), Cuna y Gal.legos (nº 46), Santuyano (nº 50), Santa Cruz (nº 84), Figareo (nº 87) y Lloreo (nº 89).
Pa más información: www.academiadelallingua.com
¿D’Onde yes?
Los topónimos son los nomes que la xente usa pa llamar a los conceyos, a les parroquies, pueblos y llugares del Principáu. Pensar que los nomes populares de los sitios tán mal dichos, ye un error. Tolo contrario: ye lo correcto, porque ye lo auténtico.
Por acuerdu ente l’Ayuntamientu de Mieres y la Xunta Asesora de Toponimia (XAT), el Gobiernu reformó oficialmente la toponimia del Conceyu (BOPA del 13 de febreru de 2009), reconociendo los nomes que la xente siempre dixo.
Significa qu’estos nomes son agora oficiales, d’usu obligáu per parte de les instituciones (Ayuntamientos, organismos del Principáu, etc.) en cualesquier comunicación fecha en castellanu o n’asturianu.
Ye conveniente que les instituciones, les asociaciones, entidaes y vecindá en xeneral, tengan conocimientu de los nomes oficiales de los topónimos, pa que pocuñín a poco vayan usándose per escrito en lletreros, rótulos, vehículos, publicidá, carteles, documentos, etc.
Toponimos oficiales del conceyu de Mieres
Decretu, de 4 de febrero, pol que se determinen los topónimos oficiales del conceyu de Mieres
Toponimia oficial (Documento PDF)