Quienes somos

El Serviciu de Normalización Llingüística ye una sección dependiente de la Conceyalía de Cultura del Ayuntamientu de Mieres que tien como misión planificar, executar y asesorar en tolo referente a la política llingüística del Conceyu.

L’Ayuntamientu de Mieres reconoz que l’asturianu ye una realidá llingüística dientro del Conceyu y asume l’usu del asturianu, xunto col castellanu, institucional y públicamente, reconociendo los derechos llingüísticos de los ciudadanos énte l’Alministración.

El Serviciu de Normalización Llingüística, siguiendo los criterios de visibilidá, tresversalidá y gradualidá procurará la normalización del usu social y alministrativu del asturianu y la recuperación y promoción d’un bien cultural. Prestará un serviciu a los ciudadanos, el reconocimientu de los sos derechos llingüísticos y el cumplimientu de les normes llexislatives.

Ónde tamos

Na segunda planta de la Casa de la Cultura Teodoro Cuesta (C/Manuel Llaneza, 8. Mieres del Camín).
Tfnu. : 985 45 06 66
Mail: llingua@ayto-mieres.es

Funciones 

  • Desarrollar un llabor d’asesoramientu pal usu  del asturianu, traducción de testos, tanto alministrativos, como propuestes polítiques, comunicaciones, anuncios, cartafueyos, carteles, lletreros, etc. que-y  soliciten los estremaos servicios del Ayuntamientu, particulares o asociaciones de cualesquier carácter del conceyu.
  • Informar de les subvenciones que convoque’l Principáu de Asturies pal fomentu de la llingua asturiana, de manera que puedan tener accesu a elles particulares, asociaciones, empreses, o’l propiu Ayuntamientu.
  • Organizar campañes d’espardimientu, sensibilización y afianzamientu del usu del asturianu na mayor parte del ámbitu social.
  • Apoyar y animar iniciatives ciudadanes que busquen usar con normalidá la nuestra llingua en toa clase d’actividá cultural, festiva, comercial, deportiva, d’ociu, asociativa…
  • Sensibilizar y formar al funcionariáu del Ayuntamientu nel respetu pola nuestra llingua.
  • Fomentar la presencia del asturianu nos medios de comunicación municipales y privaos.
  • Collaborar nel respetu pola toponimia tradicional.
  • Facer campañes de promoción del asturianu nel ámbitu educativu.
  • Fomentar l’usu del asturianu, respetando la llibertá de los comerciantes y empresarios, nos comercios, chigres o cualesquier actividá empresarial.
  • Procurar la formación llingüística ciudadana organizando cursos d’asturianu.
  • Fomentar l’usu del asturianu na ufierta cultural del Ayuntamientu.
  • Collaborar cola Rede de Normalización Llingüística nos Conceyos, pente medies del Serviciu de Planificación y Normalización Llingüística.

Próximos eventos

« noviembre 2021 » loading...
L M X J V S D
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
1
2
3
4
5

Últimas noticias

La Asociación Insonorizados impulsa la plataforma de difusión cultural Sonido Mercurio

La Asociación Insonorizados, compuesta por los grupos que ensayan en los locales Mercurio de La Peña, en colaboración con la concejalía de Cultura que dirige Juan Ponte, ha creado una plataforma de difusión cultural, Sonido Mercurio. Una iniciativa desarrollada en la sala polivalente de los locales, que ha sido acondicionada –a través de la subvención […]