Premiu “Teodoro Cuesta” de Poesía

Teodoro Cuesta vectorizado

BASES 2022 -Edición XXXI-

Enlace a la convocatoria 2022 (BOPA 13/10/2022)

 

L´Ayuntamientu de Mieres, pente medies de la Casa de Cultura “Teodoro Cuesta” convoca´l XXXI Premiu Teodoro Cuesta de Poesía 2022, coles siguientes bases:

1. Van poder participar toles persones que lo deseen con un poemariu inéditu, orixinal y escritu en llingua asturiana.

2. Podrán presentase al Premiu, los trabayos orixinales, que nun fueran publicaos en papel o internet y que nun fueran premiaos notru concursu poéti.

3. Si en tiempu la convocatoria, y enantes del fallu del xuráu, dalgún poemariu participante fuera proclamáu ganador d´otru concursu, l´autor/a tará obligáu/ada a notificalo a la organización del Premiu de Poesía “Teodoro Cuesta”.

4. Los trabayos presentáranse impresos por una sola cara en formatu DIN-A4 y tendrán una estensión mínima de 500 versos.

5. Cada participante podrá presentar al Premiu un máximu de dos trabayos, entregándose cada ún nun sobre nel qu´habrá:

1) un orixinal y cuatro copies del trabayu firmaos con alcuñu o lema, grapaos enforma o encuadernaos individualmente.

2) un sobre zarráu o plica colos datos personales y una breve biografía del autor/a.

6. La entrega de los poemarios fairáse al traviés d´una de les siguientes víes:

I.- Per corréu postal a la siguiente dirección:

A/A Secretaría Casa de Cultura
Casa de Cultura “Teodoro Cuesta”
Calle Manuel Llaneza 8, 2ª Planta
33600 Mieres

II.- Al traviés de la Oficina de Rexistru Xeneral del Ayuntamientu de Mieres (Casa Consistorial, Plaza de la Constitución s/n, 33600 Mieres) de llunes a vienres n´horariu de 09:00 a 14:00 h.

7. El plazu d´admision de los trabayos finará en quince díes (15) hábiles dende la publicación de la convocatoria nel Boletín Oficial del Principáu d´Asturies.

8. Toles obres presentaes sedrán propiedá de los sos autores, reservándose l Ayuntamientu de Mieres el drechu a la publicación del testu ganador.

9. La composición del Xuráu daráse a conocer n´emitiéndose´l fallu, tando formáu por persones nombraes nel ámbitu de la lliteratura asturiana.

10. Si metanes el periodu de selección del Xuráu, dalguna de les obres ganara o fuere publicada nun mediu dixital o impresu, ésta quedaría automáticamente eliminada del Premiu.

11. El xuráu reservase la posibilidá de declarar desiertu´l Premiu si considera que denguna de les obres presentaes tien la calidá suficiente pa optar a él.

12. El fallu del Xuráu daráse a conocer , nun periodu máximu d´un mes acabante´l plazu d´admisión de les obres, indicando l´autor/a del testu ganador y el so títulu. Tamién habrá d´anunciase nos medios de comunicación, redes sociales y na web www.mieres.es .

13. El Premiu entregaráse nuna fecha a determinar nun actu públicu.

L ´asistencia del premiáu/ada ye necesaria pa la recepción del mesmu. Si por causa xustificada nun fuere posible esta asistencia, la persona ganadora podrá acordar cola organización una intervención grabada o por videoconferencia, asina como cuntar con otra persona escoyía pol ganador/a pa recoyer el Premiu en so nome. L´autor/a comprometeráse a presentar el so llibru, en siendo publicáu, na Casa de Cultura.

14. Los trabayos non premiaos podrán recoyese na Secretaría de la Casa de Cultura “Teodoro Cuesta” durante los quince (15) díes hábiles posteriores al fallu del Xuráu. Pasáu esti plazu, destruyiránse les obres.

15. Establezse un únicu premiu por un importe de cuatro mil euros (4000€). Sobre esta cantidá habrán d´aplicase les retenciones fiscales davezu.

16. La participación nel concursu supón tar d´alcuerdu coles presentes bases y fai responsable a cada participante de la autoría y orixinalidá del trabayu presentáu, asina como que´l mesmu nun ye copia nin modificación total o parcial de dengún otru poemariu propiu o ayenu; pa cualquier otra decisión sol mesmu queda facultáu´ l Xuráu del Premiu y la propia

Conceyalía de Normalización Llingüística del Ayuntamientu de Mieres, y el so fallu sedrá inapelable.

 

17. Protección de datos:

Los datos personales recabaos formarán parte d´una base de datos del Área de Cultura del Ayuntamientu de Mieres, con domiciliu na Casa de Cultura c/Manuel Llaneza 8, 2ª planta, 33600 Mieres; cola finalidá esclusiva de xestionar la participación nel Premiu. Como responsable de los ficheros, l´Área de Cultura garantiza´l cumplimientu de la Llei Orgánica 15/1999 de Protección de Datos de calter personal. Los participantes podrán exercitar los sos drechos d´accesu, rectificación, cancelación y oposición de la siguiente manera: – Dirixéndose , metanes carta empobinada a la dirección enriba indicada, apurriendo copia del so DNI o tarxeta de residencia; de forma automática, al traviés del email d´actualización de datos o baxa pa la recepción de noticies topando la dirección en cada comunicación. L´Área de Cultura dispón de les midíes necesaries pa garantizar la seguridá y confiencialidá de los datos.

 

 

       Poemarios ganadores del premiu dende la so creación:

  • 1991._ Vida Privada, de Berta Piñán.
  • 1992._ Mares d’añil, de Lourdes Álvarez y Cuadernu de Candem Town, de Alfonso Velázquez.
  • 1993._ El llibru vieyu, de Xuan Bello.
  • 1994._ Como aquella que yeres, de Lourdes Álvarez.
  • 1995._ Venti poemes, d’Antón García.
  • 1996._ Les coraes de la roca, de Chechu García y Martín López-Vega.
  • 1997._ Otra edá, de Pablo Antón Marín Estrada.
  • 1998._ La mala suerte, d’Esther Prieto.
  • 1999._ Les inconveniencies de la especie, de Xuan Santori.
  • 2000._ Pequeña Europa, de Xabiero Cayarga.
  • 2001._ Na mesma piedra, de Ánxel Álvarez Llano.
  • 2002._ Pórticu, de Marta Mori.
  • 2003._ La danza de la yedra, de Vanessa Gutiérrez.
  • 2004._ El tiempu de la espera, de Marta Mori, y Países, de Xelu Gutiérrez Morán.
  • 2005._ La lluz del nordés, de Pablo Rodríguez Alonso.
  • 2006._ Aires de mudanza (y un apendix probi d`amor), de Pablo Rodríguez Medina y La culpa y la lluz, de Pablo Texón.
  • 2007._ Güelgues de gallón, de Miguel Allende y Como crecieres tú, d’Héctor Pérez Iglesias.
  • 2008._ Diversa memoria, de Xosé Anxelu Gutiérrez Morán.
  • 2009._ Cilurnión, d’Ánxel Nava.
  • 2010._ La ñeve del cuquiellu, de Xabiero Cayarga.
  • 2011._ Testamentu, d’Elías Veiga.
  • 2012._ En campu abiertu, d’Ángeles Carbajal.
  • 2013._ Declarose ermu’l premiu.
  • 2014._ La casa, d’ Elías Veiga.
  • 2015._ Les races del olvidu, de Marisa López Diz.
  • 2016._ Carenda, de Ana Medina Zarabozo.
  • 2017._ Les isles inciertes, de Xuan Bello.
  • 2018._ Refraneru popular, de Vanessa Gutiérrez.
  • 2019._ (Nun fue convocáu)
  • 2020._ Manzanes d’inviernu, de Xabiero Cayarga.
  • 2021._Pexe les manes, de Milio Ureta.

 

Más información:

Casa de Cultura Teodoro Cuesta, Manuel Llaneza 8. 33600 Mieres, Tfnu: 985 45 62 92 / 985 45 06 66

E-mail: cultura@ayto-mieres.es