Exposición fotográfica: “Blanco & Negro”, por Agrupación Fotográfica Semeya (1/28FEB)

L’Agrupación Fotográfica SEMEYA presenta nesta nueva esposición un garapiñu de 33 semeyes, obra toes elles de componentes de l’Agrupación.

Partiendo d’una temática llibre, como bien se pue alvertir, decidióse esta vez ufiertar namái trabayos en blanco y negro que suponen, arriendes d’una novedá nes esposiciones de SEMEYA, centrar tol protagonismu na escena que se retrata y, al empar, ufiertar un pequeñu homenaxe a los entamos y los primeros años de la fotografía.

Ye paecer común considerar que técnicamente les semeyes en blanco y negro ufiértennos imáxenes más cencielles, pero nun podemos escaecer qu’estes imáxenes esixen siempre del fotógrafu o la fotógrafa un esfuerzu mayor de la composición y de tolo que se quier tresmitir con ella y colos elementos que la conformen.

Aguardamos qu’estos xuegos de lluz y de solombres, de blancos llimpios, escales de grises y negros fondos qu’agora se presenten centren l’atención del públicu y sían a quien tresmitir la capacidá espresiva que quiximos buscar con ellos.