Exposición: “La imaxe, lo tapecío”, de Pablo Casanueva (9MAY/29JUN)
09 mayo-16:00
Gratuito
Exposición fotográfica:
“La imaxe, lo tapecío”
de Pablo Casanueva
Del 9 de mayo al 29 de junio de 2025
Horario de miércoles a viernes, de 16 a 19:30h. Sábados y domingos de 11 a 14h y de 16 a 19:30h
Mieres Centru Cultural
Entrada gratuita
La imaxe, lo tapecío ye la puesta en sala d’un proyectu d’investigación na memoria política de la familia del autor Pablo Casanueva, Los Luna.
Busco lo político nes semeyes del archivu familiar. Tópolo no tapecío y no discreto, ehí ta. Foi verdá. Les imaxes enfréntense a la desmemoria y al poder. Sigo la investigación tratando de reconstruyir los percorríos políticos de Los Luna buscando nos archivos públicos y nes buelgues que dexaron. El mieu [el refuxu], el duelu [la radiografía del dolor], la esperanza [el compromisu políticu]: ehí tán. Investigar al traviés de la fotografía y del cine. Buscar nel pasáu un anclaxe ante’l presente y el futuru. Facer grande lo pequeño, dar espaciu a lo escaecío, que nos atraviesa y nos configura. Llevalo too ello al filme y a la sala. Dexar ver los sos llugares de pasu [y los míos] restaurando la memoria de lo qu’algún día pasó y foi pensao, como quien restaura les pintures d’una ilesia quemada.
Los Luna foron desestructuraos a consecuencia de los sos posicionamientos políticos demientres la guerra: Pepe, l’hermanu mayor, exilióse en Francia cola so familia; María y la so fiya Chabela, mio güela y mio bisgüela, refuxáronse en Cataluña; a Ramón fusílenlu nel Cementeriu d’Uviéu; Manuela mandó los sos fiyos a Francia como guah.es de la guerra, el so maríu tuvo na cárcel; Manolo tuvo cinco años presu en Galicia y llueu nun batallón de trabayadores.
Investigar al traviés de la fotografía y del cine. Buscar nel pasáu un anclaxe ante’l presente y el futuru. Facer grande lo pequeño, dar espaciu a lo escaecío, que nos atraviesa y nos configura. Llevalo too ello al filme y a la sala. Dexar ver los sos llugares de pasu [y los míos] restaurando la memoria de lo qu’algún día pasó y foi pensao, como quien restaura les pintures d’una ilesia quemada.
