- Este evento ha pasado.
Presentación del libro “Poemes del amor simétricu”, de Milio Ureta
27/06/2023-19:00
Gratuito
Presentación del libro
“Poemes del amor simétricu”
de Milio Ureta
Martes, 27 de junio de 2023. 19:00h.
Casa de las Mujeres
Entrada libre hasta completar aforo
Les voces d’estos Poemes del amor simétricu percuerren los escenarios de l’afectividá y la carnalidá nun diálogu de dos corporeidaes iguales: equí, home y home. Nellos too quier ser esclarecío, too s’enseña y ye lluz. El dibuxu amorosu d’estes simetríes ye posmodernu y plenisecular dafechu –intermitente, disruptivu, trociáu–, y l’empiezu y final de la pura fisicidá y el sentimientu nin son a estremase, nin paecen tratar de buscase nes sos diferencies. El poder d’estos versos vien dau pol fechu de regalar un discursu poéticu novedosu a tou un sistema cotidianu d’afectos entá poco escritos, entá silenciaos.
Milio Ureta (Ribeseya, 1970), home de teatru, formóse nel desapaecíu Institutu del Teatru y les Artes Escéniques (itae) de Xixón, viviendo llargues temporaes en Madrid y Barcelona. En 2014 gradúase n’Humanidaes pola uoc. Amante de los idiomes y convencíu patrimonialista, anguañu trabaya como guía de turismu y intérprete de patrimoniu en Ribeseya.
