Teatru: “Perendi”, por La Compañía del Alba (Estrenu absolutu)

Teatru n’asturianu:

Perendi
La Compañía del Alba

El Conceyu de Mieres tien l´honor de cuntar col estrenu absolutu d´esta obra de teatru, adaptación escénica d’una parte de los relatos publicaos por Milio Rodríguez Cueto nel diariu La Nueva España,  nos que se revela la esencia del carácter asturianu.

Xueves, 23 de payares de 2023 , 20.00h.

Auditoriu Teodoro Cuesta
Entrada llibre hasta completar aforu

Marina Tuero marcha a estudiar al estranxeru y dexa atrás un llugar mui especial: Perendi. Nesti conceyu too ye posible: gamberrismu de la tercer edá, paisanes que leviten, trasgos políticamente correctos… D’ente toes estes maraviyes, Marina va escoyer una pal so trabayu fin de Grau: la trayectoria artística d’Ahmad Rami, un pintor siriu afincáu nel conceyu dotáu del don de la profecía pictórica. Al traviés del filu conductor de los sos cuadros, en Perendi revélase la esencia del carácter asturianu.
La obra ye una adaptación escénica d’una parte de los relatos publicaos por Milio Rodríguez Cueto, nel diariu La Nueva España, ente los años 2000 y 2009, recoyíos posteriormente en tres volúmenes de cuentos.

«No encuentro un esfuerzo semejante -ni en las letras asturianas, ni siquiera en las demás lenguas de España- al emprendido por Milio Rodríguez Cueto para levantar una obra de relatos breves de tan alta calidad, de tamaña unidad de intenciones y de tan óptimos resultados.» Francisco García Perez (La Nueva España).

Ficha Artística:

Autor: Milio Rodrígez Cueto
Interpretación:

• Charo: Carmen Gloria
• Marina Tuero: Covadonga Cobos
• Padre Ángel y Paulino Braña: Carlos Alba “Cellero”

Dirección actoral: Lidia Otón
Selección de testos, adaptación y dirección escénica: Carlos Alba
Ayudante de dirección: Diego Lombardía
Cuadros de Rami: Nacho Suárez (BlancoBuría)
Iluminación: Rafa Escheverz
Diseñu de cartel: Goyo Rodríguez
Vídeu: Covenant Audivisuales / Semeyes: René Estébanez
Escenografía y Producción: La compañía del Alba

El conceyu de Mieres amiesta la llingua asturiana a la so campaña  reivindicativa,  CAXA RESISTENCIA,  por mor de los gafos ataques que ta sufriendo de parte de sectores políticos ultraderechistes, que quieren borrar de la vida cultural asturiana, cualaquier espresión identitaria y dignificadora del so patrimoniu llingüísticu.

Mieres quier ser l´abellugu de les espresiones culturales n´asturianu y demostrar el so sofitu estrenando la obra de teatru “Perendi” de l´autor Milio Rodríguez Cueto representada pola Compañía del Alba, el xueves 23 de payares, a les 20:00h nel Auditoriu de la Casa de Cultura de Mieres.