Folixa na Primavera 2022. FUSIÓN: Sidres de xelu/Quesos d’Asturies

Folixa na Primavera 2022
Sábado 9 de abril

FUSIÓN
de sidres de xelu con quesos asturianos

19.30 – 21.30 h, Mieres Centru Cultural (MCC)

• 4 turnos de 50 personas cada 30 mins., de 19.30 h a 20 h, de 20 h a 20.30 h, de 20.30 h a 21 h y de 21 h a 21.30 h
• Entrada 7 €, inscripciones en la Casa de Cultura o en el teléfono 985 45 19 53

Mesa 1

Quesu: REBOLLÍN FUSIÓN SIDRA .

Llaborador: Agrovaldés, SCL. La  Espina. Salas. Cata: Grasu, semicuráu. Corteza marela. Pasta prensada de color marelu pardeáu, elástica y con güeyos diseminaos. Arume a mazana, llixeru acéticu y llácticu vacunu . Textura firme, sabor llácticu.

Sidra: CORTINA.

Llaborador: Sidra Cortina Coro S:L (Villaviciosa). Cata: Color oro vieyu, densu y brillante. Frangancia pura de mazana en nariz, selemente dolce y final de sidra natural. Entrada dolce con pasu a l’acidez y el frescor de la mazana fresca, toques de compota. 12% vol

Mesa 2

Queso: Ovín Oveya.

Llaborador: Quesu Ovín, C.B. Ovín, (Nava). Cata: Grasu, semicuráu. Corteza gris llixera cepillada. Pasta prensada de color blancu agüesáu, elástica y ensin malapenes güeyos. Arume llácticu ovinu y yerbes silvestres. Textura mantegosa y tastu suave ovinu.

Sidra: VDA.DE ANGELÓN.

Llaborador: Sidra Angelón S:L, (Nava). Cata: Color marelu escuru. Tastu dolce con toque ácidu de mazana. Golor a mazana. 11,5% vol

Mesa 3

Quesu: TIERRA TINÉU CABRA.

Llaborador: Industrias Lácteas del Principado, S.L. La Curiscada. Tinéu. Cata: Grasu. Corteza roxa. Pasta prensada de color blancu, elástica, con pequeños güeyos repartíos irregularmente. Arumes caprinos. Textura cremosa y tastu suave.

Sidra: VALVERÁN 20 mazanes.

Llaborador: Llagares Valverán (Sariegu). Cata: Color doráu, llimpiu y brillante. Nariz  con sensaciones dolces. En boca exquisitu equilibriu ente acidez y dolzor. 10,5% vol

Mesa 4

Quesu: ATRONCÁU DE GRÁU REBOZÁU LA TEYERA

Llaborador: Dulcegrado, S.L. Gráu. Cata: Forma troncocónicu, coagulación lláctea, autoprensáu. Corteza enmofecida. Pasta blanda rebozada con pimentón, de color blancu, elástica. Arumes llácticos. Textura firme, tastu intensu selemente picante.  

Sidra: GUZMÁN RIESTRA.

Llaborador: Sidra natural Riestra (Sariegu). Cata: Color cobrizu fuerte. Arume a compota y regaliz. Entrada dolce con pasu a una agradable acidez. 13% vol

Mesa 5

Quesu: VEGA D’ARIU TRES LLECHES Edición Gourmet. DOP GAMONÉU.

Llaborador: SAT Vega d’Ariu. Benia d’Onis. Cata: Grasu afumáu. Corteza gris con tonalidaes roxes y verdoses. Pasta blanca-crema, con vetes y manches diseminaes de penicilium. Arumes llácticos, frutos secos tostaos y hongos. Textura firme, dúctil y friable. Tastu complexu ya intensu, con un fumu presente nada agresivu y un fondu de tostaos y hongos.

Sidra: 1898

Llaborador: Sidra el Gaitero (Villaviciosa). Cata: Color doráu con brillantes reflexos. Arumes varietales de mazana verde sobre fruta blanca. Entrada dilce con pasu a una mantenida acidez mui refrescante. 9% vol

Mesa 6

Quesu: QUESU AZUL A LA SIDRA BIO.

Llaborador: SAT Los Caserinos. Grases. Villaviciosa. Cata: Azul autoprensáu. Corteza natural, con tonalidaes blanques y diferentes cavidaes. Pasta blanca, con halu marelu y cavidaes de diferentes tamaños inundaes de penicilium. Arumes llácticos vacunos, acéticos y hongos. Textura elástica, friable y dúctil. Tastu intensu mediu, mantegosu, con marcada presencia de penicilium y fondu de sidra.  

Sidra: PANIZALES.

Llaborador: Sidra Panizales (Mieres). Cata: Color cobrizu escuru. Arume a compota de mazana asada. Boca: oreyones, mandarina confitada, dolce de membrillu. 9%vol

¿QUE YE LA SIDRA DE XELU?

Sidra y friu son los condimentos necesarios pa la obtención de la sidra de xelu. Ye un productu relativamente nuevu ya que la so producción ñaz en Quebec (Canadá) nos años noventa del pasáu sieglu. Obtiense por una fermentación alcohólica del zumu de la mazana tres d’una concentración d’azucres previa obtenida por friu. Dos son los métodos aceptaos pa la llaboración de sidra de xelu:

1.​Crioextracción, onde se collechen del árbol les mazanes a temperaturee de -15º C, prénsense conxelaes y el so zumu ferméntase unos ocho meses a baxa temperatura.

2.​Crioconcentración, realízase una collecha de la mazana bien madura, una vez prensada y obteníu’l su zumu realícense diverses conxelaciones y desconxelaciones para dir realizando una concentración d’azucres y separtando l’agua del zumu. Namás tar, ferméntase unos siete meses.

El resultáu ye una bebida de calidá que combina  acidez y el dolzor, mui refrescante nada empalagosa al tastu como ocurre n’ocasiones coles sidres dolces, con un  color doráu y golor a mazana. El so conteníu alcohólicu tá ente los 7% vol y 13% vol, necesitando aproximao unos 5 kilos de mazanes pa la obtención de 375ml de sidra de xelu.

LLAGAREROS ARTESANOS DEL CAUDAL

Constituyíos como asociación ensin ánimu de lucru dende’l 17 d’avientu de 2018, los llagareros artesanos del Caudal tenemos como fines: fomentar el desarrollu, promoción y progresivu conocimientu de la sidra. Pa ello realizamos actividaes como: cellebración de xornaes, certámenes, presentación de llibros, cursos, charles y concursos, como tamién se fomenta la collaboración ente los asociaos y establécense los calces técnicos adecuaos ente ellos y los organismos públicos y privaos competentes.

Propusímonos dar a conocer lo tradicional y lo nuevo de la nuestra cultura sidrera, que meyor marcu que la Folixa na Primavera pa realizar una degustación de sidres de xelu asturianes fusionándose colos nuestros quesos.