El vienres 17 de payares reunióse’l xuráu del XXXII Premiu Teodoro Cuesta de Poesía, compuestu por Xandru Fernández González, Gonzalo González Barreñada, Pablo Rodríguez Medina, Esther Prieto Alonso y Laura Marcos Domínguez .
De los 16 poemarios presentaos , el Xuráu decidió por mayoría conceder el Premiu al poemariu tituláu “L’acentu (de per embaxu) de les velux grandes” , presentáu baxu’l sinónimu de “Faisán Últimu” , abierta la plica correspondiente resultó ser el so autor Milio Ureta.
Milio Ureta tien formación n’Artes Escéniques y ye graduáu n’Humanidaes porla Universitat Oberta de Catalunya.
Tien publicao les siguientes obres:
2022 PEXE LES MANES ganador del XXX Premiu Teodoro Cuesta .
2021 CANTAR DE MI MESMU , traducción del poema de Walt Whitman Song of myself,
2019 POEMES DEL AMOR SIMÉTRICU
2013 PUENTES QUE SABE EL PUENTE ye’l rellatu curtiu escritu en castellán col que gana’l XI Premiu Guillermo González .
Nestos momentos ta becáu pa facer la Residencia Literaria 1863 de La Coruña, como ganador de la III Residencia Asturies de la Conseyería de Cultura del Principáu d’Asturies.
Un añu más, colos últimos díes d’ochobre llega a Mieres el Samaín, la fiesta de la salú y la solidaridá, una celebración que se convirtió nos últimos años n’una de les cites más esperaes del calendariu festivu del conceyu, pasando a ser, sol lema “Nun ye Halloween, ye Samaín”, un espaciu d’alcuentru, diversión y tradición pa tola familia, especialmente pa los neños y les neñes. Nesta nueva edición –entamá poles conceyalíes de Salú, Infancia y Mocedá, Educación y Política Llingüística col sofitu de l’Asociación d’Hostelería de Requexu y la Red de Asociaciones del Caudal– el programa inclúi distintes actividaes pa tolos gustos y públicos. Cites nes que nun va faltar la música, los talleres, una plataforma 360º o’l Gran Baille d’Ánimes y que se van desenvolver en dos escenarios: el patiu de los colexos Liceo Mierense y Aniceto Sela, que van acoyer los talleres terroríficos los díes 24 y 26 d’ochobre, y la Plaza Requexu que, como ye habitual, va ser l’espaciu festivu del Samaín los díes 30 y 31 d’ochobre y 1 de payares.
Llunes 30 d’ochobre:
