Presentación de libro

Tengo un cocodrilo en el sofá
de Natalia Suárez

La autora estará acompañada por Ángeles Alcedo, profesora de Psicología de la Universidad de Oviedo.

Jueves, 25 de junio de 2026, 19:00h.

Salón de actos de la Casa de Cultura Teodoro Cuesta
Entrada gratuita hasta completar aforo

Gonzalo González Barreñada
“El viaxe del cacique”

Premiu Xosefa Xovellanos de Novela 2022

Biblioteca Pública de Mieres. Sala Xuvenil
Entrada llibre hasta enllenar l’aforu

L’armada del gobernador Ovando zarpa de Sevilla nel añu 1502. A bordu d’una de les naos más importantes viaxa’l cacique Caonabo, a quien toos daben por muertu, y una serie más de personaxes de toa triba que bien pronto van vese na necesidá de sobrevivir a la travesía pel Mare Tenebrarum, llugar que maxinen enllenu de misterios y peligros.

El viaxe del cacique ye una novela histórica, d’aventures, con dellos elementos de los llibros de caballeríes, que mos fala d’un de los momentos más sorprendentes de la historia del ser humanu.

«Esi otru día avistaron una nublina que talamente paecía como si nesi llugar del horizonte durmieren toles nubes del cielu. Y por mala suerte empecipió a soplar l’aire nesi momentu y emburrió cola Trinidá hasta que la fizo entrar nesa nube. Esti borrín que va nada la tripulación miraba dende proba ensin poder estremar lo qu’escondía acullá, quedó agora tan xuncío a la nao que foi tan parte d’ella como les rates y los pioyos lo yeren de la bodega. Quedaben los cuerpos arrodiaos como pol fumu d’un fueu que venía de dientro mesmo de la mar. Entamó tamién la nublina a esguilar pelos palos y el velame y llegó hasta la gavia. Nun pudiendo lluchar contra un animal que de la mesma naturaleza ye que del misteriu y los suaños, siguió la nao navegando llevando l’ancla a pendura y preparada pa lo que pudiera ser, y socedió que cuando a la fin salió la nao d’esi llaberintu onde entrara tanto pola fuercia del aire como pola mesma de l’azar, vio que taba sola na mar Océana y que navegaba agora como oveya escabarriada y que perdiera, en fin, de vista la armada del gobernador Ovando».

Gonzalo G. Barreñada (Sotrondio, 1973), llicenciáu en Xeografía y Historia, ye poeta y novelista. Col so poemariu «El llar n’orde» foi a ganar el Premiu Xuan María Acebal del añu 2020. Nel 2023 lleva tamién el Teodoro Cuesta de Poesía por «Cartes al treslluz». Ganador del premiu Xosefa Xovellanos de Novela en 2022 con «El viaxe del cacique», ye tamién el creador del universu lliterariu de Burgundu, marcu xeográficu nel qu’asitia obres como «La casa de Xuan Buelga», «Hestories de Burgundu» o «La hestoria ensin contar», asina como «La Guerra del Medrosu»,
novela d’aprendizaxe, histórica al empar que fantástica cola que l’autor llevó’l «Andrés Solar Santurio» de Novela Curtia.

 Pablo Rodríguez Medina
“El pesu de la nieve”

IV Premiu de Novela Curtia «Andrés Solar Santurio»

Biblioteca Pública de Mieres. Sala Juvenil
Entrada llibre hasta enllenar l’aforu

El pesu de la nieve, IV Premiu de Novela Curtia «Andrés Solar Santurio», ye una novela dura y ensin concesiones, na que’l personaxe central y cásique únicu, Martinón, ye una radiografía sociolóxica y psicolóxica de l’Asturies rural de nun hai tanto, mísere, aisllada, abandonada y brutal.

Martinón, pastor nos montes de Ponga, vive una vida de supervivencia nun mediu orográfica, climatolóxica y humanamente hostil, onde sobrevivir ye la consigna y l’endurecimientu’l camín pa llegar a ello. Por contra, onde nun hai palabres y sí un silenciu qu’atrona la vida, a Martín el de Sayambre muévelu namás cumplir la promesa que-y fixo a Pascuala primero de morrer: enterrala en sagrao.
El pesu de la nieve ye una novela dura y ensin concesiones, na que’l personaxe central y cásique únicu, Martinón, ye una radiografía sociolóxica y psicolóxica de l’Asturies rural de nun hai tanto, mísere, aisllada, abandonada y brutal.

Pablo Rodríguez Medina (San Andrés de Llinares, Samartín del Rei Aurelio, 1978) ye escritor en dos llingües (asturianu y castellanu) y ún de los más prolíficos de la lliteratura asturiana. Cultivador de dellos xéneros (poesía, narrativa –novela y cuentu–, teatro…) tien algamao una retafila premios nes dos llingües. Llicenciáu en Filoloxía Hispánica y especialista en Filoloxía Asturiana, pon clase na ESO y dende’l 2020 ye miembru de l’Academia de la Llingua Asturiana. Con El pesu de la nieve foi a ganar el IV Premiu de Novela Curtia «Andrés Solar Santurio» que convoca la Conceyalía de Cultura, Mocedá y Museos del Ayuntamientu de Xixón.

Laudelino Fernández León, “Ino el Chispu”
(Vida y muerte en la Asturias sitiada)
de Ángel Francisco Sánchez Escobar

Viernes, 10 de abril de 2026, 18:30h.

Salón de actos de la casa de Cultura Teodoro Cuesta
Entrada gratuita hasta completar aforo

Si alguna vez…
de Manast

Editorial Loto Azul

Presentado por Sandra González

Jueves, 9 de abril de 2026, 19:00h.

Salón de actos de la casa de Cultura Teodoro Cuesta
Entrada gratuita hasta completar aforo

 José Luis Rendueles
“La llibertá los caminos”

Biblioteca Pública de Mieres. Sala Juvenil
Entrada gratuita hasta completar aforo

La llibertá los caminos ye una novela a dos tiempos: nún nárrase la vida de Doña, de los Texedores d’Urbiés, madre del sindicalista de la Internacional Sindical Roja y de la CNT Jesús Ibáñez y tía-cuasi madre de Constantino Turón, el bandoleru famosu de la zona que robaba a la xente rico pa dar a quien nada tenía.
Madre soltera en malos tiempos, recala na Francia refinada d’a finales del sieglu XIX y ellí alquier cultura y modales, viaxa y respira aire nuevo. De vuelta pa España, conoz al Tuertu, borrachín y candongueru, col que tien fíos y vive na independencia que da andar pelos caminos. Muyer valiente, culta y llibre, acaba la vida en Xixón y dexa un fíu col mesmu arguyu y sentíu de la llibertá y la xusticia: Jesús Ibáñez.
N’otru tiempu, el d’anguaño, l’escritor de la novela sobre la Doña y el fíu anarquista va cuntándonos el procesu d’escritura, formando una meta-novela na que nun falta la crítica a la lliteratura y a la sociedá del so tiempu.

José Luis Rendueles (Xixón, 1972) ye poeta y narrador. Empezó la carrera lliteraria escribiendo en castellanu, pa nos primeros años del sieglu XXI pasar a usar l’asturianu na so obra. Como poeta ganó dellos premios de prestixu nes lletres asturianes («Xuan María Acebal», 2001 y «Fernán-Coronas», 2002) y tien publicaos los poemarios Casería (2002), Albentestate (2003), Cabudañu (2006) y Ferruñu (2007). Narrador de rexistros varios y temátiques distintes, nel 2001 estrenóse n’asturianu col volume Cuentos chinos. Nel 2007 dio a imprenta Los meyores cuentos del mundu y otres proses mongoles. Tres de quince años de silenciu ofrez al públicu llector La llibertá los caminos, la so primer novela.